आत्मशांती मिळवण्यासाठी भारतातील 5 सर्वात प्रेक्षणीय गुरुद्वारे

 

‘हिंदीमध्ये, गुरु म्हणजे शिक्षक आणि द्वारा म्हणजे दरवाजा. गुरुद्वारा म्हणजे अशी जागा जेथून कुणीच रिकाम्या हाताने परतत नाही’ असे माझ्या आईने मला तेव्हा सांगितले जेव्हा मी तीला बंगला साहिबकडे जाताना ‘गुरुद्वारा’ म्हणजे काय असे विचारले होते. आमच्या कुटुंबात धर्म किंवा परंपरांचे एवढे काही अवडंबर नव्हते आणि मी कधी गुरुद्वाराला भेटही दिलेली नव्हती (जरी मी तांत्रिकदृष्ट्या शीख असले तरीसुद्धा), मात्र गुरुद्वाराचे आकर्षण काही वेगळेच आहे – कदाचित त्याचे सकारात्मक वलय असेल, जे मला नेहमीच त्याच्याकडे ओढून घेते. येथे भारतातील सर्वात लोकप्रिय 5 गुरुद्वारांची यादी दिलेली आहे ज्यांना आपण जीवनात एकदा तरी भेट द्यायलाच हवी:

गुरुद्वारा बंगला साहिब, दिल्ली

Gurudwara Bangla Sahib, Photo Credit: Geoff Stearns/flickr

17व्या शतकामध्ये येथे शासक राजा जय सिंह यांचा ‘बंगला’ होता. आठवे गुरु, गुरु हर कृष्ण हे दिल्लीला आले असताना येथे थांबले होते. त्यांच्या मुक्कामाच्या वेळी येथील लोक देवी व कॉलऱ्याच्या साथीने त्रस्त होते. गुरु हर कृष्ण यांनी त्यांचे प्राण वाचवण्याकरिता मदत केली, मात्र दुर्देवाने त्यांनाच या आजारांची लागण झाली व ते मरण पावले. हा गुरुद्वारा त्यांच्या नावाने बांधण्यात आला आहे.

दिल्लीमध्ये हे सुद्धा बघावे: कनॉट प्लेस येथील बंगला साहिबपासून इंडिया गेट 4 किमी, कुतुब मीनार 14.1 किमी, लोटस टेम्पल 14.9 किमी आणि हुमायूनची कबर 7.8 किमी अंतरावर आहे. 

गुरुद्वारा दाता बंदी छोड साहिब, ग्वाल्हेर

​Gwalior Fort, Photo Credit: Nagarjun Kandukuru/flickr

ग्वाल्हेर येथील दाता बंदी छोड साहिबची उभारणी सहावे गुरु, गुरु हर गोविंद सिंह यांच्या सुटकेप्रित्यर्थ करण्यात आली होती, ज्यांना दोन वर्षे ग्वाल्हेरच्या किल्ल्यात बंदी बनवण्यात आले होते आणि त्यांनी 52 शीख राज्यकर्त्यांना तत्कालीन सम्राट जहांगीरच्या कैदेतून सोडवले होते.

ग्वाल्हेरमध्ये हे सुद्धा बघावे: ग्वाल्हेर किल्ल्यातील दाता बंदी छोड साहिबपासून जय विलास पॅलेस 4.2 किमी, शिंदे संग्रहालय 5 किमी, सास बहू मंदिर 1.4 किमी आणि टिग्रा धरण 20 किमी अंतरावर आहे.

गुरुद्वारा मणीकरण साहिब, मनाली

​

Gurudwara Ganikaran, Photo Credit: balu/flickr

मणीकरण साहिब हे मनालीच्या सर्वात लोकप्रिय पर्यटन आकर्षणांपैकी एक आहे. याची उभारणी पहिले गुरु, गुरु नानक देव यांच्या स्मृतिप्रित्यर्थ करण्यात आली होती, ज्यांनी आपले शिष्य भाई मरदाना यांच्यासमवेत या जागी भेट दिली होती.

मनालीमध्ये हे सुद्धा बघावे: मणीकरण रोडपासून कसोल हे 13 किमी अंतरावर आहे आणि हे पार्वती नदीच्या काठी विश्रांती घेण्यासाठी उत्कृष्ट ठिकाण आहे. 

गुरुद्वारा हरमंदिर साहिब, अमृतसर

​

 Golden Temple, Photo Credit: Arian Zwegers/flickr

हरमंदिर साहिब सोन्याच्या पत्र्याने झाकले आहे आणि त्यामुळे ते सुवर्ण मंदिर म्हणूनही प्रसिद्ध आहे. याची आधारशिला पाचवे गुरु, गुरु अर्जन देवजी यांनी 1588मध्ये ठेवली होती आणि आज हा देशातील सर्वात लोकप्रिय गुरुद्वारा आहे. या गुरुद्वाराला चार गेट आहेत ज्याचा अर्थ शीखांचे चार डोळे असा होतो, सर्व थरांतील लोक येथे समान आहेत.

अमृतसरमध्ये हे सुद्धा बघावे: सुवर्ण मंदिरापासून वाघा बॉर्डर 31.1 किमी आणि जालियनवाला बाग 450 मीटर अंतरावर आहे.

गुरुद्वारा पाथर साहिब, लेह

Leh Palace, Photo Credit: watchsmart/flickr

डोंगरावरील शहर लेह पासून पाथर साहिब गुरुद्वारा लेह-कारगिल रोडवर 23 किमी अंतरावर स्थित आहे. या गुरुद्वाराची उभारणी पहिले गुरु आणि शीख धर्माचे संस्थापक गुरु नानक देव यांच्या भेटीप्रित्यर्थ करण्यात आली. असे म्हटले जाते की, त्यांनी इथल्या स्थानिक लोकांची एका दुष्ट राक्षसापासून मुक्तता केली होती ज्याने त्यांना आतंकित करून सोडले होते.

लेहमध्ये हे सुद्धा बघावे: पाथर साहिब पासून लेह पॅलेस 26 किमी, पॅन्गाँग त्सो (जगातील सर्वात उंच सरोवर) 159 किमी आणि स्पीटूक गोम्पा 17.8 किमी अंतरावर आहे.

आता सांसारिक कटकटींपासून काही काळ दूर जाण्याकरिता, काही वेळ स्वत:सोबत घालवण्याकरिता आणि आंतरिक शांती मिळवण्याकरिता आपल्याला कुठे जायचे आहे हे माहित आहे, ज्याच्या शोधात आपण सर्वच असतो हे कबूल करूया – मग वाट कशाची बघताय? आपल्या बॅग भरा आणि शांतता, पवित्रता आणि सकारात्मकतेने भरलेल्या सुट्टीचा अनुभव घ्या!